កំណាព្យកម្រងកែវ៖ យប់មិញពេលភ្លៀង

យប់មិញពេលភ្លៀង៖

មើលភ្លៀងភ្លាំភ្លឺកនឹករឿងចាស់ លាន់សូរពាសក្រាស់ក្រែលមកក្រោម ផាំងៗតូងតាំងចាំងចាំងប្រលោម ប្រលាយឆើតឆោមស្រស់ត្រកាល។

អង្គុយលើគ្រែគ្រែងបានផ្ដាំ ដល់ភ្លៀងចប់ឆ្នាំត្រេកត្រអាល ត្រងត្រាប់សព្ទត្រើយសត្វវក្រសាល យំឮដំណាលនឹងផ្គរឆ្លើយ។

ពពកសពាសជៀសពុំរួច គ្រាប់ភ្លៀងធ្លាក់ព្រួចព្រឺប្រាណស្បើយ ខ្យល់ប៉ើងប៉ះស្បោងឮដង្ហើយ ដង្ហែរគ្នាឆ្លើយជាប់គល់ឈើ។

ស្រមោចអណ្ដែតពេញអណ្ដូង ទីទុយទាំងហ្វូងទុំភ្នែកស្លើ នៅក្រោមដំបូកដូររះរើ អណ្ដែតរាងទើចូលវាលស្រែ។

ស្រណោះដើមព្រីងចិត្តរែងព្រួយ ភ្លៀងធ្លាក់រញ្ជួយរកចង់ប្រែ ដើមដូងនៅជិតធ្លាក់ចុះផ្លែ ភ្លើងភ្លឺណាស់ដែរតែងងឹត។

ទឹកថ្លា, ថ្ងៃទី១៩ ខែមេសា ឆ្នាំ២០១១