មិនមែនជាអ្នកល្បី តែជាអ្នកចូលចិត្ត និងស្រឡាញ់ផ្នែកនេះមួយរូប!
កាលពីប៉ុន្មានពេលមុន ដោយឃើញថាភាពនិយមនៃFacebookកំពុងតែមានប្រជាប្រិយភាពខ្លាំងក្នុងចំណោមយុវវ័យ ខ្ញុំក៏សាកតែងចម្រៀងបទទី២ដែលទាក់ទងពីតថភាពនៃFacebook ដែលមានចំណងជើងថា៖ លង់ស្នេហ៍តាមFacebook ឬ ជាភាសាអង់គ្លេស Facebook Fallin Love។ ការតែងបែបនេះ មិនមែនជាការធ្វើអាជីវកម្មនោះទេ គឺតែងដើម្បីកម្សាន្តអារម្មណ៍ក្នុងយុវកាល និងកំដរគំនិតកុំឲ្យកប់បាត់ជាមួយពេលវេលាឥតប្រយោជន៍។ ខ្ញុំបានបង្ហោះវាក្នុងគេហទំព័រផ្ទាល់ខ្លួនបន្ទាប់ពីធ្វើរួច។
ជាលទ្ធផល បទ លង់ស្នេហ៍តាមFacebook នេះបែរជាទទួលបានចំណាប់អារម្មណ៍ខ្លាំងសម្រាប់មិត្តភក្តិក្នុងនោះមែនទែន រហូតមានMessageមកសុំDownload ទុក និងសូមShare ជាច្រើន ផងដែរ។ ក្នុងនោះស្រាប់តែមានបងប្រុសអ្នករួមជំនាញម្នាក់បានផ្ញើរសារមកសំណូមពរឲ្យជួយតែងចម្រៀងសម្រាប់គាត់មុនគាត់ទៅរៀននៅប្រទេសម៉ាឡេស៊ី។
លង់ស្នេហ៍តាមFacebook
គាត់បានផ្ញើរMessageជាអត្ថបទសង្ខេបពីប្រវត្តិពិតរបស់ជីវិតគូរស្រករគាត់មកកាន់មែលខ្ញុំនៅឯFacebook។ ខ្ញុំមិនហ៊ានសន្យាគាត់ប៉ុន្មានទេព្រោះខ្លាចធ្វើមិនកើត និងពិសេសជាបទសំណូមពរ ដែលខ្ញុំមិនដែរតែងតាមសំណូមពរអ្នកណាទាល់តែសោះ ពោលគឺរាល់ចម្រៀងគឺសុទ្ធតែតែងពីអារម្មណ៍ ប្រឌិត ស្រមើស្រមៃទាំងអស់។
ទោះជាមិនហ៊ានសន្យាក៏សាកមើលដែរ។ ខ្ញុំបានសាកសរសេរDraftលើកទី១ រួចបង្ហោះជាDoc ក្នុងFacebook នៅថ្ងៃទី២០ ខែមករា ឆ្នាំ២០១១ ពោលគឺថ្ងៃបន្ទាប់ ឃើញថាមានគេគាំទ្រគួរសម។ ការគាំទ្រនេះហើយ គឺជាកម្លាំងចិត្តខ្ញុំសម្រាប់បន្ថែមឲ្យខ្ញុំអាចធ្វើភ្លេងDraftលើកទី២ចប់ នៅថ្ងៃទី២៦ ខែមករា ឆ្នាំ២០១១នេះ។ ប៉ុន្តែមិនទាន់ចេញជាផ្លូវការនោះទេ ព្រោះកំពុងតែស្វែងរកStudioសម្រាប់ថតចម្រៀង។
ក្នុងពេលតែមួយដែលបទនេះកំពុងតែចេញជាពង្រាងលើកទី២របស់ខ្លួន បង គាំ ច័ន្ទរស្មី អ្នកដឹកនាំក្រុមផលិតវ័យក្មេង និងជាមិត្តរួមជំនាញផ្នែកផលិតជាមួយខ្ញុំផង បានជជែកគ្នាជាមួយខ្ញុំដើម្បីយកបទ លង់ស្នេហ៍តាមFacebook មុនយកទៅថតជាMV ជាមួយនឹងកាម៉េរ៉ា Cannon 7D។ វាពិតជាក្ដីរំភើបមែនទែន។ លើសពីនេះទៅទៀត ម្ចាស់ប្រវត្តិពិត បង សៅ សីហា អ្នកដឹកនាំក្រុមផលិតវ័យក្មេងដែរនោះ ក៏បានCallមកខ្ញុំអំពីទឹកចិត្ត និងបំណងចង់ថតMVរបស់គាត់ចំពោះបទនេះមុនគាត់ទៅMalaysia។ ពិតជារីករាយមែនទែនចំពោះកិច្ចការពីរចុងក្រោយនេះ ព្រោះនេះជាបំណងខ្ញុំប៉ងយូរមកហើយ។
ទំនុកថ្មី ភ្លេងថ្មី ការដឹកនាំសាច់រឿងថ្មី ការរៀបចំផលិតថ្មី ផលិតដោយផលិតករវ័យក្មេង នានា ។ នេះជាគោលបំណងនៃមូលនិធិខ្សែភាពយន្តចាស់របស់ខ្ញុំ។
ស្អែកថ្ងៃនេះម្សិលមិញ
បើប្រិយមិត្តណាមានFacebookអាចចុចជម្រើសនេះដើម្បីមើលបាន៖ លង់ស្នេហ៍តាមFacebook និង ស្អែកថ្ងៃនេះម្សិលមិញ។
សូមអរគុណ! និង សូមជូនពរទាំងអស់គ្នា!!!! 
PaHnA 
ខំប្រឹងឡើងបង!
ចេះតែធ្វើៗទៅ កំដរគំនិតកុំឲ្យវាបាត់!! ចូចឯងប្រឹងដូចតែគ្នាដែរផង!!!
ពិតជាមានទឹកដៃក្នុងការនិពន្ធល្អមែន ម៉េចមិនទាក់ទងរកផលិតកម្ម ចេញឌីសជាផ្លូវការតែម្តងទៅប្អូន ! ចាំបងជួយចាក់ឲ…..
អើយបងអើយ!! ប្រហែលជាគ្មានផលិតកម្មណាគេទិញទេ! តែបើបងអាចចាក់បាន ចាំខ្ញុំផ្ញើរឲ្យបងណា៎!!! ខ្ញុំក៏មានតែងជាលក្ខណៈពីដើមដែរ!! តែខ្ញុំអាចសូមលេខបងបានទេ?