យប់មិញនេះ មានការឈ្លោះប្រកែកគ្នាជាមួយនឹងអ្នកម្ដាយខ្ញុំបន្តិច… បន្ទាប់មក ខ្ញុំបែរជាហ៊ានធ្វើអំពើដែលមិនគួរឲ្យជឿមកកាន់ខ្លួនឯង (មានន័យថាមិនប៉ះពាល់នឹងអ្នកដទៃឡើយ)…. ពេលនោះ ខ្ញុំក៏ត្រូវយ៉ាងតំនមមកលើក្បាល និងដាច់សសៃភ្នែក បណ្ដាលឲ្យឈាមកកក្នុងភ្នែក… ពេលធ្វើបែបនេះហើយ ហាក់ដូចជាមិនដឹងខ្លួនធ្វើអីសោះ… តែឃើញម៉ាក់ខ្ញុំស្រែកថា គាត់ពិបាកចិត្តណាស់ពេលឃើញខ្ញុំមានសភាពបែបនេះ ទើបខ្ញុំងើបរួចលើកដៃសំពះ ទៅកាន់គាត់ និងសូមទោសគាត់ :cry:។ ខ្ញុំមិនយល់សោះថា មានរឿងអីបានជាបែរជា ហ៊ានធ្វើបែបនេះ ខ្ញុំឈឺចាប់ណាស់ពេលដឹងថាម៉ាក់ពិបាកចិត្តចំពោះខ្ញុំ… 😦
ពេលនេះ ទើបមកពីពេទ្យវិញ… មានថ្នាំបន្តក់… ពេទ្យថាអត់អីទេ…. ម៉ាក់កូនសូមទោស ផង។ ប៉ាកូនសូមទោសផង។ 😦
PaHnA 
មិនត្រូវខឹងនៅពេលមានកំហឹង។ មិនត្រូវធ្វើការសំរេចចិត្ត និយាយបញ្ចេញយោបល់ … ពេល អារម្មណ៏មិនល្អរាប់ទាំងខឹង ពីបាកចិត្ត បាក់ទឹកចិត្ត
មែនហើយ!! ខ្ញុំជាមនុស្សចូលចិត្តលេងសើចច្រើន តែក៏ចូលចិត្តស្ងប់ស្ងៀមដែរ…. ប៉ុន្តែពេលបាក់ទឹកចិត្ត ពិបាកចិត្ត ខ្ញុំមានអារម្មណ៍ថា ថ្ងៃស្អែកមិនមែន ជាការពិតសម្រាប់ឆ្លងនោះទេ…. មិនយល់ដែរ ទោះមិនចង់គិត… ខ្ញុំព្យាយាមតាំងចិត្តនឹងបំបាត់វាណាស់ឥឡូវ….
សំណាងល្អ គាត់មិនមានជំងឺបេះដូង កុំអីគាត់ច្បាស់ជាស្លុតរន្ធត់ចិត្តហួសប្រមាណ កាលដែលឃើញកូនប្រុសសំលាញ់របស់គាត់ធ្វើបែបនេះ។
គាត់មានដែរតើ… តែឥឡូវមិនសូវដូចមុនទេ… ខ្ញុំដឹងថាខ្លួនខុស…. នេះជារឿងមិនសមនឹងកើតសោះ…
ចុម!!! ដាច់សរសៃភ្នែក!!!! សង្ស័យតែបោកក្បាលនឹងជញ្ជាំងហើយមែនទេ? កុំធ្វើអ្វីដែលមិនមានប្រយោជន៍ រឺ ធ្វើអ្វីដែលធ្វើឲ្យអ្នកដទៃ ពិបាក!!!!! ដូចជាម៉ាករបស់លោកជាដើម!!!!
ឥឡូវពេទ្យឲ្យថ្នាំមកបន្តក់ហើយ… ពេទ្យថាប្រហែលពីរអាទិត្យទៀតលែងអីហើយ…
សរុបទៅបងឯងលើកក្រោយមិនត្រូវធើ្វបែបនេះឡើយលើកក្រោយ វាមិនត្រឹមតែពិបាកដល់យើងទេ នូវមានអ្នកមួយចំនួនទៀតចូលរួមក្នុងករណីនេះ។
បាទៗៗ សូមទោស លោកប្អូនសំឡាញ់បស់បង!!!
(T_T)
អ្វីៗនឹងប្រសើរឡើង តែនេះជាបទពិសោធន៍ កុំធ្វើបែបនេះទៀតនាពេលក្រោយ!
បាទបង…
មែនហ្នឹង! កុំធ្វើឱ្យគាត់ពិបាកចិត្តទៀតអី! ល្អហើយដែលពូសុំទោសគាត់ និងដឹងកំហុសខ្លួន! ពេលដែលយើងដឹងកំហុសហើយ នឹងអាចរកត្រូវឃើញវិញ!!! គ្មាននរណាដែលថាមិនខុសនោះទេ តែត្រង់ថា គេហ៊ានធ្វើការកែប្រែវាឬក៏អត់តែប៉ុណ្ណោះ…
អរគុណ!!! ខ្ញុំមិនចង់ឲ្យមានវិប្បដិសារីច្រើននោះទេ… ថ្វីបើវ័យប៉ុណ្ណេះ តែចំពោះរឿងរ៉ាវបានឆ្លងកាត់ច្រើនណាស់…. ខ្ញុំឈឺចិត្តបំផុតនៅពេល ដែលដឹងថាខ្លួនខុស…
ក្រោយពីបានបាត់មុខបាត់មាត់ពីដែនដី WordPress ដ៏ល្អស្រស់ត្រកាល អស់មួយរយៈកន្លងមក ខ្ញុំបាទមានការក្តីនឹករលឹកជាពន្លឹក ដល់ប្រជានុរាស្ត្រនៃនគរសិប្បនិមិត្ត ដែលពោរពេញដោយសេរីភាពមួយនេះ។ តើអស់លោកអ្នកនាងកញ្ញាទាំងអស់គ្នា សុខទុក្ខជាធម្មតាទេ?
ឆាកជីវិតរបស់យើងម្នាក់ៗ តែងតែបន្តដំណើរទៅមុខជាដរាប ទោះជាមានរឿងល្អនិងឬអាក្រក់កើតមានឡើង ចំពោះរូបយើងយ៉ាងណាក៏ដោយ។ ដូចនេះ ដើម្បីចូលរួមបង្កើតបរិយាកាសដ៏រីករាយ និងពោរពេញដោយក្តីសង្ឍឹម សម្រាប់ជីវិតរបស់យើងទាំងអសគ្នា ខ្ញុំបាទនឹងចាប់ផ្តើមថតនិងចុះផ្សាយ ខ្សែភាពយន្តប្រឌិត (Machinima) រឿង “ ឥន្ទ្រីខៀវ” សារជាថ្មីម្តងទៀត។ ហើយខ្ញុំបាទសន្យាថា នឹងខិតខិតឲ្យអស់ពីកម្លាំងកាយចិត្ត ដើម្បីធ្វើខ្សែភាពយន្តប្រឌិតថតថ្មីនេះ អាចក្លាយជាចំណីអារម្មណ៍ដ៏ពេញចិត្តមួយ សម្រាប់អស់លោកអ្នកនាងកញ្ញាទស្សនា នៅពេលទំនេរ។ ទន្ទឹមនឹងនេះដែរ ខ្ញុំបាទនឹងរង់ចាំទទួលយកជានិច្ច នូវគ្រប់ការរិះគន់កែលម្អទាំងឡាយណា ដែលអាចធ្វើឲ្យខ្សែភាពយន្តប្រឌិតរបស់ខ្ញុំបាទ មានលក្ខណៈកាន់តែល្អប្រសើរឡើង។ ខ្សែភាពយន្តប្រឌិតរបស់ខ្ញុំបាទ នឹងត្រូវចុះផ្សាយនៅលើគេហទំព័រថ្មីរបស់ខ្ញុំបាទ ដែលមានអាស័យដ្ឋានដូចតទៅនេះ http://vuthdevelop.blogspot.com/ ។
សូមទទួលយកនូវការរាប់អានដ៏ខ្ពង់ខ្ពស់ពីខ្ញុំបាទ
កួរស្រូវ
រឿងអីចេស???
យី!!!! ដាច់សរសៃភ្នែកហើយហ្នឹង ម៉េចក៏នៅមកសរសេរប្លកកើតទៀត។ មិននៅសំរាកលើពូក លើគ្រែអីទៅ សំរាកឲ្យច្រើនដើម្បីឲ្យសុខភាពប្រសើរឡើង!!!! ណា៎៎ណា៎៎!!!
អត់ទេ!!! គ្រាន់តែឈាមកកក្នុងភ្នែក… មើលបាន តែអផ្សុកពេកហ្នឹងណា!!! ចេះតែបើកមើល និងសរសេរលេងទៅ!!! យីលឿនទៀតណា៎!!! hah Ha!!
ឪពុកម្ដាយគឺអញ្ចឹង បើទោះជាកូនធ្វើខុសយ៉ាងណា ធ្វើឲ្យពួកគាត់ខឹងយ៉ាងណា ក៏ចុងក្រោយ នៅពេលឃើញកូនទទួលការលំបាក ពួកគាត់ក៏ពិបាកចិត្តដែរ ។
មែនហើយ!!! តែនេះក៏ជាការបារម្ភរបស់គាត់ដែរ… និយាយទៅវាពិបាក ព្រោះបើគ្មានគាត់ យើងក៏ងាយនឹងធ្វើកាន់តែខុសច្រើន….
ក្រោយពីបានបញ្ចប់ការសិក្សានៅវិទ្យាល័យរួចមក កម្លោះដ៏ស្រស់សង្ហារម្នាក់ ដែលមានឈ្មោះថា កែវ បញ្ញាវុធ បានទៅប្រឡងប្រជែងចូលធ្វើជាទាហានទ័ពអាកាសនៅក្នុងកងខេមរភូមិន្ទនៃព្រះរាជាណាចក្រកម្ពុជា។ដោយសាររូបគេធ្លាប់ជាសិស្សឆ្នើមនៅក្នុងមុខវិជ្ជាគណិតវិទ្យា និងធ្លាប់មានឈ្មោះល្បីល្បាញខាងដោះស្រោយលំហាត់គណិតវិទ្យា បានយ៉ាងលឿនរហ័សដូចផ្លេកបន្ទោរ កម្លោះ កែវ បញ្ញាវុធ ក៏បានប្រឡងជាប់ និងត្រូវបានជ្រើសរើសជាអាកាសយានិក សម្រាប់ការបើកបរយន្តហោះប្រដេញដ៏ទំនើបបំផុត បើអាចធ្វើទៅបាន។
ដោយនៅក្នុងព្រះរាជាណាចក្រកម្ពុជា ពុំទាន់មានសាលាកងទ័ពអាកាស និងគ្រូបង្វឹកដែលមានជំនាញគ្រប់គ្រាន់ ក្នុងការបង្ហាត់បង្រៀនក្រុមអាកាសយានិកនៃយន្តហោះប្រដេញ កម្លោះ កែវ បញ្ញាវុធ ក៏ត្រូវបានអគ្គបញ្ជាការនៃកងទ័ពអាកាស បញ្ជូនឲ្យទៅរៀននៅសហព័ន្ធរុស្ស៊ី។
អានបន្ត>>
អីគេហ្នឹង!!! ទៅមើលតសិន…